男友介意我唔识打扮

我同我bf一齐左3个几月...我真系好想飞q左佢...前几日同佢出旺角行街..佢话d女sales好识打份,好靓女,咁都算啦..仲叫我学下人地点打扮,顶...d女化妆化到好浓,成个wet妹咁...仲有呀..条仔同我讲过'你化唔化妆都咁靓女架啦.我一样咁爱你'呢句野系拍拖一个月之前讲......跟住慢慢咁..条仔开始介意我..问我同佢出街可唔可以打扮靓d...化下妆咁..佢想同我出街有面d..可以系班fd面前晒...我话'你姐系钟意我化左妆既一面啦.系咪呀?'佢话唔系~话我唔化妆好老...话我化妆靓好多...当然..佢沟我果阵我都有化妆...只不过佢沟左我之后我先唔打扮之吗..成日同佢出街我都系T加牛仔好简单既打扮~
仲有呀~佢话我成日好少打俾佢..成日都唔搵佢...佢好唔开心~咁ok啦~我呢几日都有打俾佢..一日都有7~8次电话(之前一日打一次架)....但佢成日都话好忙唔得闲.打紧机.....搞到宜家佢唔多理我咁...佢会打俾我.但倾唔够2分钟啰.
寻日倾电话.佢叫我去佢屋企训...多d去佢屋企食饭..佢话好想日日见到我..好想同我一齐训..感觉好温暖..我听到紧系好sweet啦..跟住佢又加多句...'你要俾家用架喎.一人一千'我真系乜感觉都冇晒啰
个个男仔都钟意靓女....早知识佢果阵我唔化妆出黎啦.睇佢仲沟唔沟我.......话咩第一日就钟意左我.....通通都假啦